|
Algeng vandamál
Vert er að huga vandlega að því hvað birt
er opinberlega. Hafa þarf í huga að fólk
getur misnotað upplýsingar sem koma fram á heimasíðu
og því rétt að huga vel að því
hvaða upplýsingar eiga þar heima. Ef nafn og heimilisfang
er gefið upp og jafnvel einnig talað um hvað eigandi
síðunnar hlakkar mikið til sumarfrísins í
ágúst, er hægt að búast við heimsókn
innbrotsþjófa einmitt á þeim tíma.
Einnig er ástæðulaust að birta símanúmer
á heimasíðu.
Ef settar eru myndir af fjölskyldunni á Netið getur
það boðið heim þeirri hættu að
myndir verði afritaðar og þeim breytt á einhvern
ógeðfelldan máta. Það getur verið
varasamt að setja nöfn barna við myndir á netinu
því á þann máta er búið
að bjóða þeirri hættu heim að ókunnugugir
geti kallað á barnið með nafni.
Netföng eru oft sett á heimasíður og gestir
hvattir til að hafa samband. Rétt er að athuga að
til eru forrit sem fara um vefsvæði og safna saman netföngum
sem síðan eru seld fyrirtækjum sem senda óumbeðinn
póst s.k. "spam".
Að hafa gestabók á heimasíðu bíður
heim þeirri hættu að einhver skrifi í hana
óviðeigandi texta, því þarf stöðugt
að skoða gestabókina.
Einnig þarf að aðgæta að texti á
vefsíðu er háður höfundarétti.
Þannig er óheimilt að taka texta, myndir, teikningar,
hreyfimyndir, tónlist eða myndbrot af annarra vefsíðum
og nota á sína eigin án leyfis.
Þá þarf að gæta almennra hegningalaga
og venjulegrar siðvendni varðandi þann texta sem birtur
er á heimsíðum. Flestir internetþjónustuaðilar
birta á heimasvæðum sínum reglur eða
skilmála sem notendum ber að fara eftir. Þær
ættir þú að kynna þér.
Öryggi þinnar heimasíðu varðar þig
miklu. Til að verja að ekki verði brotist inn á
síðuna og henni breytt þarftu að passa upp
á að enginn komist yfir notendanafn og aðgangsorð
að þinni síðu. Verðir þú var
við að einhver hafi átt við síðuna,
tilkynntu það þá strax til þíns
þjónustuaðila. Honum ber að grípa til
viðeigandi ráðstafana.
Skólar þurfa að gæta varkárni varðandi
það efni sem þeir heimila nemendum að senda
út á vefinn. Einnig ættu foreldrar eða forráðamenn
að yfirfara það efni sem börn þeirra senda
út á Netið.
|
