Algeng
vandamál
Erfitt er að vita við hverja börn eða unglingar
tala þegar þau nota þessa þjónustu,
hvert umræðuefnið er eða hvort þau verða
fyrir áreiti sem foreldrar eða forráðamenn telja
óæskilegt. Það veldur einnig áhyggjum
að hugsanlega þykjast fullorðnir einstaklingar hafa
áhuga á tilteknu málefni, einungis til að
komast í samband við börn og unglinga. Talið því
við börnin og komist að því hvernig þau
eru að nota skyndiskilaboðin og hverjir vinir þeirra
á Netinu eru og hvernig þeir "hittust".
Oft vita foreldrar og forráðamenn ekki hvort á
heimilistölvunni eru forrit fyrir skyndiskilaboð. Leitið
eftir nöfnum á forritum fyrir skyndiskilaboð annað
hvort á aðalskjánum eða í yfirlitinu
yfir forrit. Til að komast í yfirlit yfir forrit sem
eru á tölvunni er smellt á "Start"
hnappinn neðst í vinstra horninu og síðan
á "Programs" þá birtist listi yfir
flest þau forrit sem eru á tölvunni. Einnig gæti
verið skjámynd neðst í hægra horni skjásins
og með því að renna yfir myndirnar birtist
nafnið á forritunum sem þau standa fyrir. Spyrjið
börnin hvort þau noti eða þekki skyndiskilaboð
og hvetjið þau til að segja ykkur frá því
hvort þau hafi orðið fyrir óþægilegri
upplifun við notkun þeirra.
Þegar ókunnur aðili reynir að hafa samband
við börn eða unglinga á Netinu ættu þau
að fara varlega og gefa ekki upp neinar persónuupplýsingar.
Ef þú þekkir einhvern sem gegnum skyndiskilaboð
hefur orðið fyrir óþægilegri upplifun
eða áreiti, ættir þú að hvetja
hann til að tilkynna það kerfisstjórn þeirrar
þjónustu sem notuð er. Upplýsingar um slíkt
er að finna á viðkomandi vefsíðu. Gefið
upp skjánafn/kenni viðkomandi aðila og segið
frá hvenær þessi óþægilegi
atburður átti sér stað og í hverju
hann var fólginn. Viðkomandi verður aðvaraður
eða aftengdur þjónustunni eftir því
sem við á.
Skyndiskilaboðum fylgir ákveðin hætta á
að fá senda vírusa eða óæskilegt
efni. Því ætti ekki að þiggja skjöl
frá aðilum sem maður þekkir ekki vel. Einnig
er rétt að hafa vírusvarnarforrit uppsett til
að skoða þau skjöl sem maður fær send.
|
